കൊട്ടാരക്കര : മറ്റ് സംസ്ഥാനങ്ങളിലേത് പോലെ കേരളത്തില് അഴിഞ്ഞാടാന് ചില വര്ഗീയ ശക്തികള് ശ്രമിക്കുന്നുവെന്ന് മുഖ്യമന്ത്രി പിണറായി വിജയന്. കൊട്ടാരക്കരയില് ആര് ബാലകൃഷ്ണപിള്ള ഒന്നാം ചരമ വാര്ഷിക ആഘോഷം ഉദ്ഘാടനം ചെയ്യുകയായിരുന്നു മുഖ്യമന്ത്രി. വര്ഗീയതയോട് വിട്ടുവീഴ്ച്ചയില്ലാത്ത സമീപനം സ്വീകരിക്കും എന്ന് പ്രതിജ്ഞയെടുക്കണമെന്നും മുഖ്യമന്ത്രി പറഞ്ഞു.
പല കാര്യങ്ങളിലും കേന്ദ്രത്തില്നിന്നും കേരളം അവഗണന നേരിടുന്നുവെന്നും കേരളത്തില് നിന്ന് തെരഞ്ഞെടുക്കപ്പെട്ട യുഡിഎഫ് എംപിമാരില് ഭൂരിപക്ഷവും അതിനെതിരെ ഒന്നും മിണ്ടുന്നില്ലെന്നും മുഖ്യമന്ത്രി തുറന്നടിച്ചു. കേന്ദ്രം ഭരിക്കുന്ന ബി.ജെ.പിയുടേയും കേരളത്തില് നിന്നുള്ള യുഡിഎഫ് എം.പി മാരുടെയും സമീപനം ഒരുപോലെയാണ്. കേരള വികസനത്തിന് എതിരെ നില്ക്കുന്നവരായി ഈ എം.പിമാര് മാറിയെന്നും മുഖ്യമന്ത്രി പറഞ്ഞു.