തിരുവനന്തപുരം : ഭരണഘടനയുമായി ബന്ധപ്പെട്ട് സജി ചെറിയാന് നടത്തിയ പ്രസ്താവനയും ഗോള്വാര്ക്കര് നടത്തിയ പ്രസ്താവനയും ഒന്നാണെന്ന വി.ഡി സതീശന്റെ താരതമ്യം ശരിയല്ലെന്ന് ബി.ജെ.പി നേതാവ് പി.കെ കൃഷ്ണദാസ്. ഭരണഘടന ബി.ജെ.പിക്ക് വേദപുസ്തകമാണ്. സതീശന്റെ താരതമ്യം അബദ്ധജടിലമാണെന്നും കൃഷ്ണദാസ് പറഞ്ഞു.
തന്റെ ഫേസ്ബുക്ക് പോസ്റ്റിനെ ചില മാധ്യമങ്ങള് അവരുടെ രീതിയില് വ്യാഖ്യാനിച്ചു. സതീശന് ആര്.എസ്.എസിനെ വിമര്ശിക്കുന്നതിന്റെ ആയിരത്തിലൊന്ന് മതഭീകര സംഘടനകളെ വിമര്ശിക്കുന്നില്ല. പ്രതിപക്ഷ നേതാവിന് ഇരട്ടത്താപ്പ് നയമാണ്. ആര്.എസ്.എസ് പരിപാടിയില് പങ്കെടുത്തത് എന്തുകൊണ്ടെന്ന് സതീശന് വ്യക്തമാക്കട്ടെ. മത ഭീകരവാദ സംഘടനകളുടെ കളിപ്പാവയാണ് സതീശന്. സജി ചെറിയാന്റെ പ്രസ്താവനയെ വെള്ള പൂശാനാണ് സതീശന് ശ്രമിക്കുന്നതെനും കൃഷ്ണദാസ് പറഞ്ഞു.
മതേതരത്വം രാജ്യത്തിന്റെ സങ്കല്പം ആണ്. സര്ക്കാര് കാര്യങ്ങളില് മതമോ മതപരമായ കാര്യങ്ങളില് സര്ക്കാരോ ഇടപെടാന് പാടില്ലെന്നും കൃഷ്ണദാസ് കൂട്ടിച്ചേര്ത്തു. നടിയെ ആക്രമിച്ച കേസില് ശ്രീലേഖയുടെ ആരോപണത്തെക്കുറിച്ചും കൃഷ്ണദാസ് പറഞ്ഞു. കോടതിയുടെ പരിഗണനയില് ഉള്ള വിഷയത്തില് പ്രതികരിക്കുന്നില്ല. തെളിവുകള് ഉണ്ടെങ്കില് കോടതിയില് ഹാജരാക്കട്ടെയെന്നും അദ്ദേഹം വ്യക്തമാക്കി.
