ന്യൂഡല്ഹി : പ്രധാനമന്ത്രി നരേന്ദ്രമോദി ഇന്ന് ഹിമാചല് പ്രദേശിലെ മാണ്ഡി സന്ദര്ശിക്കും. സന്ദര്ശന വേളയില് 11,000 കോടി രൂപയുടെ വികസന പദ്ധതികള് ഇന്ന് നാടിന് സമര്പ്പിക്കും. ഹിമാലയന് മേഖലകളിലെ ജലവൈദ്യുത സാധ്യതകള് പരമാവധി പ്രയോജനപ്പെടുത്തുകയാണ് പ്രധാന ലക്ഷ്യം. ഇതിനുപുറമെ രേണുകാജി അണക്കെട്ട് പദ്ധതിയുടെ തറക്കല്ലിടലും പ്രധാനമന്ത്രി നിര്വ്വഹിക്കും. മൂന്ന് പതിറ്റാണ്ടായി മുടങ്ങിക്കിടന്ന പദ്ധതിയാണിത്. ഹരിയാന, രാജസ്ഥാന്, ഉത്തരാഖണ്ഡ്, ഡല്ഹി, ഉത്തര്പ്രദേശ്, ഹിമാചല് പ്രദേശ് എന്നീ സംസ്ഥാനങ്ങള്ക്ക് ഗുണകരമാകുന്നതാണ് പദ്ധതി. 7000 കോടിരൂപ ചെലവിലാണ് പദ്ധതി പൂര്ത്തിയാക്കുന്നത്. പ്രതിവര്ഷം 500 ദശലക്ഷം ക്യുബിക് മീറ്റര് ജലവിതരണം സ്വീകരിക്കാന് കഴിയുന്ന ദില്ലിക്ക് പദ്ധതി ഗുണം ചെയ്യും. ധൗലസിദ് ജലവൈദ്യുത പദ്ധതിയുടേയും സാവ്ര – കുഡ്ഡു ജലവൈദ്യുത പദ്ധതിയുടേയും തറക്കല്ലിടലും പ്രധാനമന്ത്രി ഇന്ന് നിര്വ്വഹിക്കും.
