കൊച്ചി : ന്യുമോണിയ ബാധയെ തുടര്ന്ന് ചലച്ചിത്ര താരവും രാജ്യസഭാ എം.പിയുമായ സുരേഷ് ഗോപിയെ ആശുപത്രിയില് പ്രവേശിപ്പിച്ചു. എറണാകുളത്ത് സ്വകാര്യ ആശുപത്രിയില് ചികിത്സയില് തുടരുകയാണ് ഇദ്ദേഹം. ജോഷി സംവിധാനം ചെയ്യുന്ന ചിത്രമായ പാപ്പന്റെ ലൊക്കേഷനില് നിന്ന് സുരേഷ് ഗോപിയെ നേരിട്ട് ആശുപത്രിയില് പ്രവേശിപ്പിക്കുകയായിരുന്നു.
ന്യുമോണിയ ബാധ കുറഞ്ഞുവരുന്നതായി അദ്ദേഹത്തോട് അടുത്തവര് വ്യക്താക്കി. നിയമസഭാ തെരഞ്ഞെടുപ്പില് തൃശ്ശൂര്, തിരുവനന്തപുരം മണ്ഡലങ്ങളിലേക്ക് സുരേഷ് ഗോപിയെ പരിഗണിക്കുന്നതായുള്ള വാര്ത്തകള് പുറത്തുവന്നിരുന്നു. ഇതിനിടയിലാണ് അദ്ദേഹം ആശുപത്രിയിലായത്.
