പെരുമ്പെട്ടി : വീട്ടമ്മയ്ക്ക് കളഞ്ഞു കിട്ടിയ സ്വര്ണ്ണ മാല പോലീസിന് കൈമാറി. ചുങ്കപ്പാറ പെരുന്തോട്ടുകാവിൽ വീട്ടിൽ കുഞ്ഞുഞ്ഞമ്മ എന്ന ആളിന് ചുങ്കപ്പാറ ജംഗ്ഷനിൽ നിന്നും കളഞ്ഞു കിട്ടിയ 11ഗ്രാം തൂക്കം വരുന്ന സ്വർണ്ണമാലയാണ് പെരുമ്പെട്ടി പോലീസ് സ്റ്റേഷനിൽ ഏൽപ്പിച്ചത്. പോലീസ് നടത്തിയ അന്വേഷണത്തിൽ മാലയുടെ ഉടമയെ കണ്ടെത്തി പെരുമ്പെട്ടി പോലീസ് സ്റ്റേഷനിൽ എത്തിക്കുകയും മാല ലഭിച്ച കുഞ്ഞുഞ്ഞമ്മയെ കൊണ്ടുതന്നെ ഉടമ സുജാ ബാബുവിന് മാല തിരികെ നൽകുകയും ചെയ്തു.
സ്വകാര്യബാങ്കിൽ പണയം വെച്ചിരുന്ന സ്വർണ്ണമാല ഇന്ന് തിരികെ എടുത്ത് മടങ്ങുന്ന വഴിയില് ചുങ്കപ്പാറ ജംഗ്ഷനിൽ വെച്ച് സുജാ ബാബുവിന്റെ കയ്യിൽ നിന്നും മാല നഷ്ടപ്പെടുകയായിരുന്നു. റോഡില് കിടന്നിരുന്ന മാല അതുവഴിവന്ന കുഞ്ഞൂഞ്ഞമ്മ കാണുകയും അത് പോലീസില് ഏല്പ്പിക്കുകയുമായിരുന്നു. പെരുമ്പെട്ടി പോലീസ് സ്റ്റേഷനിലെ എസ്.ഐ മാരായ ഷിജു, ബോസ്, ഉണ്ണികൃഷ്ണൻ, സി.പി.ഓ മാരായ അലക്സ്, രതീഷ്, അനന്തു, അഷ്ഫാക് എന്നിവർ ചേർന്നാണ് മാല സ്റ്റേഷനിൽ ലഭിച്ച് മിനിറ്റുകൾക്കുള്ളിൽ തന്നെ അതിന്റെ ഉടമയെ കണ്ടെത്തി തിരികെ നൽകാൻ സഹായിച്ചത്.
