ഓയൂര് : പൂയപ്പള്ളി നെല്ലിപ്പറമ്പില് യുവതിയെ പീഡിപ്പിക്കാന് ശ്രമിച്ചയാളെ പൂയപ്പള്ളി പോലീസ് അറസ്റ്റ് ചെയ്തു. നെല്ലിപ്പറമ്പില് തൈക്കാട് വീട്ടില് വിജയന് ഉണ്ണിത്താനെ(58)യാണ് അറസ്റ്റ് ചെയ്തത്. കഴിഞ്ഞ ദിവസമായിരുന്നു സംഭവം. വീട്ടില് ആളില്ലാതിരുന്ന സമയം ഇയാള് ലൈംഗികാതിക്രമത്തിന് ശ്രമിക്കുകയായിരുന്നു.
യുവതിയുടെ നിലവിളികേട്ട് അയല്വാസികള് എത്തിയതോടെ ഇയാള് രക്ഷപ്പെടുകയായിരുന്നു. കഴിഞ്ഞ ഒന്പതിന് ഇയാള് ഇതുപോലെ യുവതിയോട് അതിക്രമം കാട്ടിയിരുന്നു. അന്ന് നാട്ടുകാര് ഇയാളെ പിടികൂടി താക്കീത്ചെയ്ത് വിട്ടതാണ്. പൂയപ്പള്ളി എസ്.എച്ച്. ഒ. ബിജു, എസ്.ഐ. അഭിലാഷ് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
