കല്‍പ്പറ്റ: മാനന്തവാടി പോലീസ് സ്റ്റേഷനിലെ 15 പോലീസ് ഉദ്യോഗസ്ഥര്‍ക്ക് കോവിഡ് സ്ഥിരീകരിച്ചു. നാല് സബ് ഇന്‍സ്പക്ടര്‍മാര്‍ ഉള്‍പ്പടെയുള്ളവര്‍ക്കാണ് രോഗം സ്ഥിരീകരിച്ചത്. കഴിഞ്ഞ തവണ രോഗം ബാധിച്ചവരും ഇതില്‍ ഉള്‍പ്പെടുന്നു.
രോഗലക്ഷണമുള്ള പോലീസ് ഉദ്യോഗസ്ഥര്‍ നിലവില്‍ സ്റ്റേഷനില്‍ ഡ്യൂട്ടിയിലുണ്ട്. ഇവരുടെ കൂടി പരിശോധന ഫലം വരാനുണ്ട്. മാസങ്ങള്‍ക്ക് മുമ്പ് സ്റ്റേഷനിലെ ഭൂരിഭാഗം പോലീസ് ഉദ്യോഗസ്ഥര്‍ക്കും കോവിഡ് സ്ഥിരീകരിച്ചതിനാല്‍ സ്റ്റേഷന്‍ അടച്ചിട്ടിരുന്നു.
വയനാട്ടില്‍ ഇന്ന് 729 പേര്‍ക്കാണ് കോവിഡ് സ്ഥിരീകരിച്ചത്. 594 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 20.35 ആണ്. ജില്ലയില്‍ നിലവില്‍ 5996 പേരാണ് ചികിത്സയിലുള്ളത്. ഇവരില്‍ 4697 പേര്‍ വീടുകളിലാണ് ഐസൊലേഷനില്‍ കഴിയുന്നത്. ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 88144 ആയി. 81062 പേര്‍ ഇതുവരെ രോഗമുക്തരായി.
