മല്ലപ്പള്ളി : കൊറ്റനാട് പഞ്ചായത്ത് ഓഫീസിൽ സൗത്ത് ഇന്ത്യൻ ബാങ്കിന്റെ സഹകരണത്തോടെ സ്ഥാപിച്ച പി.ഒ.എസ്സ് മെഷിന്റെ ഉദ്ഘാടനം പ്രസിഡന്റ് പ്രകാശ് പി. സാം നിർവഹിച്ചു. വൈസ് പ്രസിഡന്റ് തങ്കമ്മ ജോർജ് അധ്യക്ഷത വഹിച്ചു. ബ്ലോക്ക് പഞ്ചായത്തംഗം ഈപ്പൻ വർഗിസ്, അസിസ്റ്റന്റ് സെക്രട്ടറി റംലാബീവി, പഞ്ചായത്തംഗങ്ങൾ, ബാങ്ക് പ്രതിനിധികൾ എന്നിവർ പ്രസംഗിച്ചു. പഞ്ചായത്തിലേക്കുള്ള പണമിടപാടുകൾക്ക് പൊതുജനങ്ങൾക്ക് ഈ അവസരം പ്രയോജനപ്പെടുത്താമെന്ന് പ്രസിഡന്റ് അറിയിച്ചു.
