തിരുവനന്തപുരം : സംസ്ഥാനത്തെ പോസ്റ്റ് കൊവിഡ് സര്ക്കാര് ആശുപത്രികളില് ചികില്സയ്ക്ക് പണം നല്കണമെന്ന് ഉത്തരവ്. എപിഎല് വിഭാഗത്തിലുള്ളവരില് നിന്ന് ചികില്സയ്ക്ക് പണം ഈടാക്കാമെന്നാണ് ഉത്തരവില് പറയുന്നത്. പോസ്റ്റ് കൊവിഡ് സര്ക്കാര് ആശുപത്രികളിലെ വാര്ഡില് 750 രൂപ, ഐസിയു വെന്റിലേറ്ററില് 2000 രൂപ, എച്ച്ഡിയു 1250 രൂപ, ഐസിയു 1500 രൂപ എന്നിങ്ങനെയാണ് തുക ഈടാക്കുക. ആരോഗ്യ സെക്രട്ടറിയാണ് ഇതുസംബന്ധിച്ച ഉത്തരവിറക്കിയത്.
പ്രാഥമിക ആരോഗ്യ കേന്ദ്രം മുതല് മെഡിക്കല് കോളജുകള് വരെ ഉള്ള സര്ക്കാര് ആശുപത്രികളിലാണ് പോസ്റ്റ് കൊവിഡ് ക്ലിനിക്കുകള് ഒരുക്കിയിരിക്കുന്നത്. താലൂക്ക് ആശുപത്രികള്, ജില്ലാ ജനറല് ആശുപത്രികള്, മെഡിക്കല് കോളജുകള് എന്നിവിടങ്ങളില് നിന്ന് റഫര് ചെയ്ത് വരുന്ന പോസ്റ്റ് കൊവിഡ് രോഗികളെ ഇവിടെ പരിശോധിക്കും. കൊവിഡ് ഭേദമായവര് എല്ലാ മാസവും ക്ലിനിക്കല് എത്തി പരിശോധന നടത്തണം. ഇവരില് ഗുരുതരമായ പ്രശ്നങ്ങള് ഉള്ളവരെ കൊവിഡ് ആശുപത്രികളില് ചികില്സ നല്കണം എന്നായിരുന്നു സര്ക്കാര് നിര്ദേശം.