തിരുവനന്തപുരം : ആന്ധ്രയില് നിന്നും കൂടുതല് വൈദ്യുതിയെത്തിക്കുമെന്നും കേരളത്തിലെ പ്രതിസന്ധി നാളെത്തോടെ പരിഹരിക്കാന് സാധിക്കുമെന്ന് പ്രതീക്ഷിക്കുന്നുവെന്നും മന്ത്രി കെ.കൃഷ്ണന്കുട്ടി. വൈദ്യുതി ഉപയോഗം കുറച്ച് ജനം സഹകരിക്കണമെന്നും മന്ത്രി ആവശ്യപ്പെട്ടു. നല്ലളത്തിന് പുറമ കായംകുളം താപനിലയവും പ്രവര്ത്തനക്ഷമമാക്കി പ്രതിസന്ധി തീര്ക്കാനാണ് സര്ക്കാരിന്റെയും കെഎസ്ഇബിയുടെയും ശ്രമം.
ജലവൈദ്യുത പദ്ധതികളെ അനാവശ്യമായി എതിര്ക്കരുതെന്നും മന്ത്രി ആവശ്യപ്പെട്ടു. അതിരപ്പിള്ളി ഒഴികെയുള്ള ജലവൈദ്യുത പദ്ധതികള് നടപ്പാക്കും. പുറത്തു നിന്നും വൈദ്യുതി വാങ്ങുന്നത് അധിക ചെലവാണ്. കെഎസ്ഇബി സമരവുമായി ബന്ധപ്പെട്ട പ്രശ്നങ്ങള് കുടുംബത്തിനകത്തെ പ്രശ്നങ്ങള് പോലെയാണ്. ഇരുകൂട്ടര്ക്കും ദോഷമാവാത്ത രീതിയില് പരിഹരിക്കുമെന്നും മന്ത്രി പറഞ്ഞു.
