പത്തനംതിട്ട : ഈ തെരഞ്ഞെടുപ്പ് ഏറെ പ്രത്യേകതകള് നിറഞ്ഞതായിരുന്നു. ലോകം മുഴുവന് പടര്ന്നുപിടിച്ച കോവിഡ് എന്ന മഹാമാരിയുടെ സാന്നിധ്യത്തില് നടന്ന ഈ ജനാധിപത്യ പ്രക്രിയ ആരും പെട്ടെന്ന് മറക്കില്ല.
കോവിഡ് മാനദണ്ഡങ്ങള് പൂര്ണ്ണമായി പാലിച്ചുകൊണ്ട് ഒരു തെരഞ്ഞെടുപ്പ് എന്നത് കടുത്ത വെല്ലുവിളി തന്നെയായിരുന്നു. കോവിഡ് രോഗികള്ക്കും ക്വാറന്റൈനില് കഴിയുന്നവര്ക്കും തങ്ങളുടെ സമ്മതിദാനാവകാശം വിനിയോഗിക്കുവാന് തെരഞ്ഞെടുപ്പ് കമ്മീഷന് വിപുലമായ ക്രമീകരണങ്ങള് ചെയ്തു. പിപിഇ കിറ്റണിഞ്ഞ് വോട്ട് ചെയ്യാന് എത്തിയത് കൌതുകം തന്നെയായിരുന്നു. പോളിംഗ് ഉദ്യോഗസ്ഥരും പിപിഇ കിറ്റണിഞ്ഞ് മതിയായ സുരക്ഷ ഒരുക്കിയിരുന്നു.
കുമ്പഴ മൈലാടുംപാറ കുടുംബ ക്ഷേമ ഉപകേന്ദ്രത്തിലെ ബൂത്തില് പിപിഇ കിറ്റണിഞ്ഞ് വോട്ട് ചെയ്യാനെത്തിയ ദമ്പതികള്ക്കും ഇത് മറക്കാനാവാത്ത അനുഭവമായി. ഒപ്പം കോവിഡ് കാലത്തെ തെരഞ്ഞെടുപ്പ് ഉദ്യോഗസ്ഥര്ക്കും ഇത് പുത്തന് അനുഭവമായി.
