ന്യൂഡല്ഹി : പെഗാസെസ് വിവാദവുമായി ബന്ധപ്പെട്ട പ്രസ്താവനയില് ഉറച്ച് നില്ക്കുന്നുവെന്ന് സുപ്രീംകോടതി അഭിഭാഷകന് പ്രശാന്ത് ഭൂഷണ്. ദേശീയ സുരക്ഷ കൗണ്സില് ഫണ്ട് ഉപയോഗിച്ചാണ് സര്ക്കാര് പെഗാസെസ് വാങ്ങിയത്. 2017-18 കാലത്താണ് ചാര സോഫ്റ്റ് വെയര് വാങ്ങിയത്. എന്.എസ്.സി ബജറ്റ് വിഹിതം പത്തിരട്ടിയോളം വര്ധിപ്പിച്ചാണ് പണം കണ്ടെത്തിയതെന്നും പ്രശാന്ത് ഭൂഷണ് പറഞ്ഞു.
മോദി മന്ത്രിസഭയിലെ മന്ത്രിമാര്, രാഹുല് ഗാന്ധി, സുപ്രീംകോടതി ജഡ്ജി, മുന് സിബിഐ ഡയറക്ടറടക്കം രാജ്യത്തെ 128 പേരുടെ ഫോണുകള് ചോര്ന്ന വിവരമാണ് മാധ്യമങ്ങള് ഇതിനോടകം പുറത്ത് വിട്ടത്. രാജ്യത്ത് മുന്നൂറ് പേര് ഫോണ് ചോര്ത്തലിനിരയായെന്നാണ് കണ്ടെത്തല്. പട്ടികയില് പേരുള്ള പലരും അന്വേഷണ റിപ്പോര്ട്ട് പുറത്ത് വരുന്നതിനുമുന്പ് ഫോണ് പരിശോധനക്കായി കൈമാറിയിരുന്നു.