പത്തനംതിട്ട : എസ്.എൻ.ഡി.പി യോഗത്തിന്റെ പ്രീ മാര്യേജ് കൗൺസിലിംഗ് മൂലം വിവാഹമോചന കേസുകൾ കുറയ്ക്കാനും കുടുംബബന്ധങ്ങളും സാമൂഹിക ബന്ധങ്ങളും ഊട്ടിയുറപ്പിക്കാനും കഴിയുന്നതായി എസ്. എൻ. ഡി.പി യോഗം പത്തനംതിട്ട യൂണിയൻ പ്രസിഡന്റ് കെ.പത്മകുമാർ പറഞ്ഞു. കോഴ്സിലൂടെ ശ്രീനാരായണ ദർശനം ജന്മനസുകളിലെത്തിക്കാനും കഴിയുന്നു. യുണിയന്റെ നേതൃത്വത്തിൽ നടക്കുന്ന പ്രീ മാരിയേജ് കൗൺസിലിംഗ് കോഴ്സിന്റെ ഇരുപത്തിയൊമ്പതാമത് ബാച്ചിന്റെ ഉദ്ഘാടനം നിർവഹിച്ചു സംസാരിക്കിക്കുകയായിരുന്നു അദ്ദേഹം.
യോഗം അസിസ്റ്റന്റ് സെക്രട്ടറി ടി.പി.സുന്ദരേശൻ, യോഗം ഡയറക്ടർ ബോർഡ് മെമ്പർ സി.എൻ.വിക്രമൻ, യുണിയൻ കൗൺസിൽ അംഗങ്ങളായ എസ്. സജിനാഥ്, പി.കെ.പ്രസന്നകുമാർ, പി.സലിം കുമാർ, മൈക്രോ ഫിനാസ് കോ ഓർഡിനേറ്റർ കെ.ആർ സലീലനാഥ്, പ്രൊഫ. കൊടുവഴങ്ങ ബാലകൃഷ്ണൻ എന്നിവർ സംസാരിച്ചു. പ്രൊഫ. കൊടുവഴങ്ങ ബാലകൃഷ്ണൻ, ഡോ.ശരത് ചന്ദ്രൻ തുടങ്ങിയവർ ക്ലാസുകൾ നയിച്ചു. ഇന്ന് ശൈലജ രവീന്ദ്രൻ, രാജേഷ് പൊൻമല തുടങ്ങിയവർ ക്ലാസുകൾ നയിച്ചു.
