കൊച്ചി: പ്രധാനമന്ത്രി നരേന്ദ്രമോദിയുടെ ഗുരുവായൂര് സന്ദര്ശനം, ക്ഷേത്രത്തില് നടക്കാനിരുന്ന മറ്റ് വിവാഹങ്ങളെ ബാധിക്കുന്നെന്ന പ്രചാരണം തെറ്റാണെന്ന് ബി.ജെ.പി. സംസ്ഥാന അധ്യക്ഷന് കെ. സുരേന്ദ്രന്. യാഥാര്ഥത്തില് ഗുരുവായൂരിലെ വിവാഹത്തിന്റെ എണ്ണം വര്ധിച്ചിരിക്കുയാണെന്നും അദ്ദേഹം കൂട്ടിച്ചേര്ത്തു. കൊച്ചിയില് സംസാരിക്കുകയായിരുന്നു അദ്ദേഹം. പ്രധാനമന്ത്രിയുടെ സന്ദര്ശനദിവസം വിവാഹം കഴിക്കാന് മറ്റ് പല സ്ഥലങ്ങളിലും വിവാഹം നിശ്ചയിച്ചിരുന്നവര് ഗുരുവായൂരിലേക്കെത്തുന്നു. ഇവിടെ കള്ളപ്രചരണം നടത്തുകയാണ്.
കേരളത്തിലെ ജനങ്ങള്ക്കിടയില് പ്രധാനമന്ത്രിയുടെ നേതൃത്വം വളരെയേറെ വിശ്വാസ്യത നേടിയിരിക്കുന്നു. സംസ്ഥാനത്തിന്റെ വികസനത്തിന് മോദിയുടെ ഉറപ്പ് എന്ന സന്ദേശം താഴെയ്ക്കിടയിലേക്ക് എത്തിക്കാന് ശ്രമിക്കുന്നതിനിടയിലാണ് അദ്ദേഹത്തിന്റെ സന്ദര്ശനം, സുരേന്ദ്രന് വ്യക്തമാക്കി.
