പത്തനംതിട്ട : സ്വാതന്ത്ര്യത്തിന്റേയും സ്വാതന്ത്ര്യാനന്തരമുള്ള രാജ്യത്തെ നേട്ടങ്ങളുടേയും നേരവകാശികള് ഇന്ത്യന് നാഷണല് കോണ്ഗ്രസാണെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് സംഘടിപ്പിച്ച റിപ്പബ്ലിക് ദിനാഘോഷ പരിപാടികള് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വിവിധ ദേശ ഭാഷകളേയും വൈവിദ്ധ്യങ്ങളേയും സംരക്ഷിക്കുന്ന ലോകത്തെ ഏറ്റവും മഹത്തരമായ ഭരണഘടനയ്ക്ക് രൂപം നല്കുകയും രാജ്യത്തെ പരമാധികാര ജനാധിപത്യ റിപ്പബ്ലിക്കായി പ്രഖ്യാപിക്കുകയും ചെയ്തത് കോണ്ഗ്രസ് നേതൃത്വത്തിലാണ്. അത് നിലനിര്ത്തേണ്ടത് ഓരോ ഇന്ത്യക്കാരുടെയും ബാദ്ധ്യതയും കടമയുമാണെന്ന് പ്രൊഫ. സതീഷ് കൊച്ചുപറമ്പില് പറഞ്ഞു.
രാജ്യം ഇന്നുള്ളതുപോലെ നിലനില്ക്കണമെങ്കില് ഇന്ത്യന് നാഷണല് കോണ്ഗ്രസ് ശക്തമായി നിലനില്ക്കണമെന്നും രാജ്യത്തിന്റെ ഐക്യത്തിനായി കോണ്ഗ്രസ് എന്നും നിലകൊള്ളുമെന്നും ഡി.സി.സി പ്രസിഡന്റ് പറഞ്ഞു. ഡി.സി.സി വൈസ് പ്രസിഡന്റ് എ. സുരേഷ് കുമാര് അദ്ധ്യക്ഷത വഹിച്ചു. എ.ഐ.സി.സി അംഗം മാലേത്ത് സരളാദേവി, യു.ഡി.എഫ് ജില്ലാ കണ്വീനര് എ. ഷംസുദ്ദീന്, ഡി.സിസി ഭാവാഹികളായ സാമുവല് കിഴക്കുപുറം, ഹരികുമാര് പൂതങ്കര, സുനില്. എസ്. ലാല്, റോജിപോള് ഡാനിയേല്, കോണ്ഗ്രസ് ബ്ലോക്ക് പ്രസിഡന്റ് അബ്ദുള്കലാം ആസാദ്, മണ്ഡലം പ്രസിഡന്റുമാരായ റെനീസ് മുഹമ്മദ്, സജി അലക്സാണ്ടര്, ഡി.സി.സി അംഗങ്ങളായ ജയിംസ് കീക്കരിട്ട്, പി.കെ ഗോപി, നഹാസ് പത്തനംതിട്ട, ഷാനവാസ് പെരിങ്ങമല, പി.എം അമീന്, രാജു നെടുവേലി മണ്ണില് എന്നിവര് പ്രസംഗിച്ചു.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
