ചെന്നൈ; ആനകളുടെ സംരക്ഷണത്തിനായുള്ള നടപടികള് ആരംഭിച്ച് തമിഴ്നാട് പരിസ്ഥിതി വകുപ്പ്. രണ്ട് വ്യത്യസ്ത സംഭവങ്ങളിലായി വൈദ്യുതാഘാതമേറ്റ് നാല് ആനകള് ചരിഞ്ഞ സംഭവത്തെ തുടര്ന്നാണ് നടപടി. വിഷയത്തില് ഉന്നതതല യോഗത്തിന് ശേഷം പരിസ്ഥിതി വകുപ്പ് സെക്രട്ടറി സുപ്രിയ സാഹുവാണ് ഇക്കാര്യം അറിയിച്ചത്. അനധികൃത സോളാര് ഫെന്സിങ് അനുവദിക്കരുതെന്ന നിര്ദേശം നിലവിലുണ്ടെങ്കിലും കൃഷിയട സംരക്ഷണത്തിനായി സോളാര് ഫെന്സിങ് സ്ഥാപിക്കാറുണ്ട്. ഇത് കണ്ടെത്തി കര്ശന നടപടികള് കൈക്കൊള്ളുമെന്ന് സാഹു അറിയിച്ചു.
കൃഷിയിട സംരക്ഷണത്തിനായി കെട്ടിയിരുന്ന വൈദ്യുത വേലിയില് തട്ടി ഷോക്കേറ്റ് മാര്ച്ച് 7ന് മൂന്ന് ആനകളും, ബണ്ട് മുറിച്ചുകടക്കാന് ശ്രമിക്കുന്നതിനിടെ തമിഴ്നാട് വൈദ്യുതി ബോര്ഡിന്റെ ഹൈ ടെന്ഷന് കമ്പിയുമായി സമ്പര്ക്കം പുലര്ത്തിയകൊമ്പനാനയും ചത്തതോടെയാണ് ആനകളുടെ സംരക്ഷണ നടപടികള് ആരംഭിച്ചത്.
