തിരുവനന്തപുരം: പിഎസ്സി ഉദ്യോഗാർത്ഥി അനുവിന്റെ ആത്മഹത്യയില് വിമര്ശനങ്ങളെ പ്രതിരോധിക്കാന് സി പി എം പ്രവര്ത്തകര്ക്ക് നിര്ദേശം. സൈബര് സ്പേസുകളില് സിപിഎം അനുകൂല പോസ്റ്റുകളും കമന്റുകളും ക്വോട്ട നല്കി പോസ്റ്റ് ചെയ്യാനാണ് നിര്ദേശം.
പാര്ട്ടി ഗ്രൂപ്പുകളില് കണ്ണൂര് ജില്ലാ സെക്രട്ടറി എം വി ജയരാജന് നല്കിയ ഓഡിയോ സന്ദേശമാണ് പുറത്തായത്. എന്ത് കമന്റ് ഇടണമെന്ന് പാര്ട്ടി നേതൃത്വം അയച്ചുതരുമെന്നും ആസൂത്രിതമായി സോഷ്യല് മീഡിയയില് മറുപടി നല്കണമെന്നുമാണ് എം.വി ജയരാജന്റെ പുറത്തായ ശബ്ദ സന്ദേശത്തില് പറയുന്നത്. ഒരു ലോക്കല് കമ്മിറ്റിയില് നിന്ന് 300-400 കമന്റുകളും പോസ്റ്റുകളും ഉണ്ടാകണമെന്നും ജയരാജന് നല്കിയ നിര്ദേശത്തില് പറയുന്നുണ്ട്.
