ന്യൂഡല്ഹി : നടിയെ ആക്രമിച്ച കേസിലെ ഒന്നാംപ്രതി പള്സര് സുനി ജാമ്യം തേടി സുപ്രീംകോടതിയെ സമീപിച്ചു. വിചാരണ നീണ്ടുപോകന്നതിനാല് ജാമ്യം നല്കണമെന്നാണ് സുനിയുടെ ആവശ്യം. കേസില് ജയിലില് കഴിയുന്ന ഏകപ്രതിയാണ് താനെന്നും ഹര്ജില് പറയുന്നു. പള്സര് സുനിയുടെ ജാമ്യാപേക്ഷ ഹൈകോടതി നിരസിച്ചിരുന്നു. ഇതിനാലാണ് ഇയാള് സുപ്രീംകോടതിയെ സമീപിച്ചത്.
കേസിലെ നാലാംപ്രതി വി.പി വിജീഷിന് ഹൈകോടതി ഇന്നലെ ഉപാധികളോടെ ജാമ്യം അനുവദിച്ചിരുന്നു. നടിയെ ആക്രമിച്ച കേസിന്റെ വിചാരണ നീണ്ടുപോവുകയാണെന്നും അഞ്ചുവര്ഷമായി ജയിലിലാണെന്നും ചൂണ്ടിക്കാണിച്ചാണ് വിജീഷ് ജാമ്യം തേടിയത്. ഈ വാദം അംഗീകരിച്ച് ഹൈകോടതി ജാമ്യം അനുവദിക്കുകയായിരുന്നു. ഇതോടെ പള്സര് സുനി ഒഴികെ കേസിലെ മറ്റുപ്രതികള്ക്കെല്ലാം ജാമ്യം ലഭിച്ചു.
