പുറമറ്റം പഞ്ചായത്ത് പ്രസിഡന്റിനെ പഞ്ചായത്ത് അംഗങ്ങളുടെ നേതൃത്വത്തില്‍ കയ്യേറ്റം ചെയ്തു

പത്തനംതിട്ട: പുറമറ്റം പഞ്ചായത്ത് പ്രസിഡന്റിനെ പഞ്ചായത്ത് അംഗങ്ങളുടെ നേതൃത്വത്തില്‍ കയ്യേറ്റം ചെയ്തു. പ്രസിഡന്റ് സൗമ്യ ജോബിയെയാണ് കയ്യേറ്റം ചെയ്തത്. കയ്യേറ്റത്തിനിടെ പ്രസിഡന്‍റിന്റെ വസ്ത്രങ്ങള്‍ ആക്രമികള്‍ വലിച്ചുകീറി. എല്‍ഡിഎഫ് സ്വതന്ത്രയായ പ്രസിഡന്റിനെതിരെ എല്‍ഡിഎഫ് തന്നെ കഴിഞ്ഞ ദിവസം അവിശ്വാസം കൊണ്ട് വന്നിരുന്നു. കഴിഞ്ഞ ദിവസം പ്രസിഡന്റിന്റെ വാഹനവും അടിച്ച്‌ തകര്‍ത്തിരുന്നു.