കിയവ് : യുക്രെയ്നിലെ റഷ്യന് അനുകൂല പ്രതിപക്ഷ നേതാവും പ്രസിഡന്റ് വ്ലാദിമിര് പുടിന്റെ അടുത്ത അനുയായിയുമായ വിക്ടര് മെദ്വെഡ്ചുക് അറസ്റ്റില്. എസ്.ബി.യു രഹസ്യാന്വേഷണ സേന നടത്തിയ പ്രത്യേക ഓപറേഷനിലാണ് ഇദ്ദേഹത്തെ പിടികൂടിയത്. യുക്രെയ്ന് ദേശീയ സുരക്ഷ ഏജന്സി തലവന് ഇവാന് ബക്കനോവ് ഏജന്സിയുടെ ടെലിഗ്രാം ചാനലില് അറസ്റ്റ് സ്ഥിരീകരിച്ചു. വിക്ടര് കൈവിലങ്ങണിഞ്ഞ് ഇരിക്കുന്ന ഫോട്ടോ പ്രസിഡന്റ് വൊളോദിമിര് സെലന്സ്കിയും സോഷ്യല് മീഡിയയില് പോസ്റ്റ് ചെയ്തതിരുന്നു. വീട്ടുതടങ്കലിലായിരുന്ന വിക്ടര് യുദ്ധം പൊട്ടിപ്പുറപ്പെട്ടതിന് തൊട്ടുപിന്നാലെ ഒളിവില് പോയിരുന്നു.
