ഉഴവൂര്: ഡോ. കെആര് നാരായണന്റെ സ്മരണകള്ക്കായി ഉഴവൂരില് സംസ്ഥാന സര്ക്കാരിന്റെ ഫണ്ട് ഉപയോഗിച്ച് നിര്മ്മാണം പൂര്ത്തിയാക്കിയ ഡോ.കെആര് നാരായണന് ജന്മശതാബ്ദി സ്മാരകമായ ഉഴവുര് ജയ്ഹിന്ദ് പബ്ലിക് ലൈബ്രറിയുടെ നവീകരിച്ച കെട്ടിട സമുച്ചയം നവംബര് മൂന്നിന് പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസ് നാടിന് സമര്പ്പിക്കും.
അഡ്വ മോന്സ് ജോസഫ് എംഎല്എ അധ്യക്ഷത വഹിക്കും. സിആര് ശങ്കരന്നായര് സ്മാരക വായനമുറി ഉദ്ഘാടനം തോമസ് ചാഴികാടന് എംപി നിര്വഹിക്കും. കോട്ടയം ജില്ലാ ലൈബ്രറി കൗണ്സില് പ്രസിഡന്റ് ബാബു കെ ജോര്ജ്ജ്, മുന് ഉഴവുര് ബ്ലോക്ക് പഞ്ചായത്ത് പ്രസിഡന്റ് ബൈജു ജോണ് പുതിയിടത്തുചാലില്, ലൈബ്രറി പ്രസിഡന്റ് ഡോ സിന്ധുമോള് ജേക്കബ്, കോട്ടയം ജില്ലാ പഞ്ചായത്ത് അംഗം പി.എം മാത്യു, ഉഴവുര് ഗ്രാമപഞ്ചായത്ത് പ്രസിഡന്റ് ജോണീസ് പി സ്റ്റീഫന്, മീനച്ചില് താലൂക്ക് ലൈബ്രറി കൗണ്സില് സെക്രട്ടറി റോയി ഫ്രാന്സിസ്, സംസ്ഥാന ലൈബ്രറി കൗണ്സില് അംഗം കെഎസ് രാജു, ഉഴവുര് സര്വീസ് സഹകരണ ബാങ്ക് പ്രസിഡന്റ് ഇന് ചാര്ജ് സിആര് പ്രസാദ് ചെമ്മല ഉള്പ്പെടെയുള്ള രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖര് പങ്കെടുക്കുമെന്ന് പ്രസിഡന്റ് ഡോ. സിന്ധുമോള് ജേക്കബ്, സെക്രട്ടറി എബ്രാഹം സിറിയക്ക് എന്നിവര് അറിയിച്ചു.
