തൃശൂര്‍ : മണ്‍സൂണ്‍ പട്രോളിംഗിനിടെ തൃശൂര്‍ റെയില്‍വേ സ്റ്റേഷന്‍ ട്രാക്ക് മാന്‍ ട്രെയിന്‍ തട്ടി മരിച്ചു. ഹര്‍ഷകുമാര്‍ ആണ് മരിച്ചത്. ഒപ്പമുണ്ടായിരുന്ന ഒല്ലൂര്‍ സ്വദേശി വിനീഷ് പരിക്കേറ്റ ആശുപത്രിയിലാണ്.
രാത്രിയില്‍ പട്രോളിംഗ് നടത്തുന്നതിനിടെ രാജധാനി എക്സ് പ്രസ്സ് വരുന്നത് കണ്ട് അടുത്ത പാളത്തിലേക്ക് മാറിയപ്പോഴാണ് ട്രാക്ക്മാന്‍മാരെ പിന്നിലൂടെ എത്തിയ എന്‍ജിന്‍ ഇടിച്ചത്. തൃശൂര്‍ റെയില്‍വേ സ്റ്റേഷന്റെ തെക്ക് ഭാഗത്താണ് അപകടമുണ്ടായത്. മഴ മൂലം ട്രാക്കില്‍ എന്തെങ്കിലും തടസ്സമുണ്ടോ എന്ന് നോക്കുന്നതിനിടെയാണ് അപകടം. പരിക്കേറ്റ വിനീഷിനെ ജൂബിലി മിഷന്‍ മെഡിക്കല്‍ കോളേജില്‍ പ്രവേശിപ്പിച്ചു.
