ചെന്നിത്തല: കനത്ത മഴയെ തുടര്ന്ന് ചെന്നിത്തലയില് വീട് തകര്ന്നു വീണു. തൃപ്പെരുഠന്തുറ ഗ്രാമപഞ്ചായത്ത് 4-ാം വാര്ഡില് കാവുംപുറത്ത് വടക്കേതില് മണിക്കുട്ടനും ഏഴംഗകുടുംബവും താമസിക്കുന്ന വീടാണ് പുലര്ച്ചെ ഇടിഞ്ഞു വീണത്. ഇടിഞ്ഞു വീഴുന്ന ശബ്ദം കേട്ടുണര്ന്ന മണിക്കുട്ടനും സഹോദരനും മുറിക്കുള്ളില് കിടന്ന് ഉറങ്ങുകയായിരുന്ന പിതാവ് ചെല്ലപ്പനെയും മാതാവ് സരസമ്മയേയും മുറിക്കുള്ളില് നിന്നും പുറത്തെടുത്തു.
സരസമ്മയെ സാരമായ പരിക്കുകളോടെ വണ്ടാനം മെഡിക്കല് കോളേജില് പ്രവേശിപ്പിച്ചു. ഗ്രാമപഞ്ചായത്ത് പ്രസിഡന്റ് ബിന്ദു പ്രദീപ് അടിയന്തിര സഹായം അനുവദിക്കണമെന്ന് റവന്യൂ അധികാരികളോടാവശ്യപ്പെട്ടു. ജനപ്രതിനിധികളായ പ്രസന്ന, ജി.ജയദേവ്, ഗോപന് ചെന്നിത്തല, പ്രവീണ് കാരാഴ്മ എന്നിവരും പ്രസിഡന്റിനോടൊപ്പം സ്ഥലം സന്ദര്ശിച്ചു.