പത്തനംതിട്ട : ബംഗാള് ഉള്ക്കടലില് പുതിയ ന്യൂനമര്ദം രൂപംകൊള്ളുന്ന സാഹചര്യത്തില് ഇന്നു മുതല് കേരളത്തില് മഴ കനക്കുമെന്ന് കാലാവസ്ഥാ വകുപ്പിന്റെ മുന്നറിയിപ്പ്. വടക്കന് ജില്ലകളിലാണ് മഴ കൂടുതല് ശക്തമാവുക. കോഴിക്കോട്, കണ്ണൂര്, കാസര്കോട്, ഇടുക്കി ജില്ലകളിൽ ഇന്ന് അതിശക്തമായ മഴയ്ക്ക് സാധ്യതയുള്ളതിനാല് ഓറഞ്ച് അലര്ട്ട് പ്രഖ്യാപിച്ചു.
പാലക്കാട് ഒഴികെയുള്ള മറ്റു ജില്ലകളില് ശക്തമായ മഴയ്ക്ക് സാധ്യതയുള്ളതിനാല് യെല്ലോ അലര്ട്ട് പ്രഖ്യാപിച്ചിട്ടുണ്ട്. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം ജില്ലകളില് യെല്ലോ അലര്ട്ടും മറ്റു ജില്ലകളില് ഓറഞ്ച് അലര്ട്ടും നല്കി. ആറ് വരെ വടക്കന് ജില്ലകളില് മഴ ശക്താമാകും.
