പത്തനംതിട്ട : കനത്ത മഴ തുടരുന്ന പത്തനംതിട്ട രാത്രിക്ക് തുല്യമായി. വാഹനങ്ങള് മുന്നറിയിപ്പ് ലൈറ്റ് തെളിയിച്ചുകൊണ്ടാണ് പോകുന്നത്. റോഡില് മിക്ക സ്ഥലത്തും വെള്ളക്കെട്ടുകള് രൂപപ്പെട്ടിട്ടുണ്ട്. ഇന്നലെ രാത്രിയില് തുടങ്ങിയ മഴ ഇപ്പഴും ശക്തമായി തുടരുകയാണ്. വൈദ്യുതി ബന്ധം ചില പ്രദേശങ്ങളില് നിലച്ചിട്ടുണ്ട്. വ്യാപാര സ്ഥാപനങ്ങള് പലതും തുറന്നിട്ടില്ല.
മഴയുടെ തീവ്രത ഇടയ്ക്കു കുറയുകയും വീണ്ടും പൂര്വാധികം ശക്തിയായി പെയ്യുകയുമാണ്. എന്നാല് കാറ്റു വീശുകയോ നാശനഷ്ടങ്ങള് ഉണ്ടാകുകയോ ചെയ്തതായി റിപ്പോര്ട്ട് ചെയ്യപ്പെട്ടിട്ടില്ല. കക്കി -ആനത്തോട് ഇന്നലെ രാത്രിതന്നെ റെഡ് അലര്ട്ടില് ആയിരുന്നു.
