തിരുവനന്തപുരം: രാജ്യസഭാ തെരഞ്ഞെടുപ്പില് യുഡിഎഫ് സ്ഥാനാര്ഥിയായി കര്ഷക കോണ്ഗ്രസ് സംസ്ഥാന പ്രസിഡന്റ് ലാല് വര്ഗീസ് കല്പ്പകവാടിയെ തീരുമാനിച്ചു.
എം.പി. വീരേന്ദ്രകുമാര് മരിച്ച ഒഴിവിലാണ് രാജ്യസഭയിലേക്ക് ഉപതെരഞ്ഞെടുപ്പ്. ഓഗസ്റ്റ് 24-നാണ് വോട്ടെടുപ്പ്. എം.വി. ശ്രേയാംസ് കുമാറാണ് ഇടതു മുന്നണി സ്ഥാനാര്ഥി.
ഇടത് സ്ഥാനാര്ഥിയുടെ വിജയം ഉറപ്പാണെങ്കിലും സ്ഥാനാര്ഥിയെ നിര്ത്താന് യുഡിഎഫ് നേതൃത്വം തീരുമാനിച്ചിരുന്നു. സ്ഥാനാര്ഥിയെ നിര്ത്താതിരുന്നാല് തെറ്റായ സന്ദേശമാകുമെന്ന് യുഡിഎഫ് വിലയിരുത്തിയതിനാലാണ് മത്സരത്തിന് കളമൊരുങ്ങിയത്.
