കണ്ണൂര്: സിനിമ പ്രേമികളുടെ ഇഷ്ട കഥാപാത്രങ്ങള് ആയിരുന്നു എന്ന താന് കേസ് കൊട് സിനിമയിലെ സുരേഷും സുമലതയും. ചിത്രയും രാജേഷ് മാധവനും ആണ് കഥാപാത്രങ്ങളെ മികവുറ്റതാക്കിയത്. എന്ന താന് കേസ് കൊട് ചിത്രത്തിലെ, സുരേഷേട്ടന് കെയറിങ് എന്ന ഒറ്റ ഡയലോഗിലൂടെയാണ് ചിത്ര പ്രേക്ഷകരുടെ ഇഷ്ടം നേടിയത്. ഏതാനും ദിവസങ്ങള്ക്ക് മുന്പ് നടന് രാജേഷ് മാധവനും നടി ചിത്ര നായരും ചേര്ന്ന് പുറത്തിറക്കിയ ഒരു വീഡിയോ സോഷ്യല് മീഡിയയില് വൈറല് ആയിരുന്നു.
സേവ് ദി ഡേറ്റ് എന്നതിനൊപ്പം മെയ് 29 എന്ന തീയതി മാത്രമാണ് ഉണ്ടായിരുന്നത് എന്നതിനാല് ഇതൊരു യഥാര്ഥ വിവാഹത്തിനുള്ള ക്ഷണമാണെന്ന് ചിലരെങ്കിലും തെറ്റിദ്ധരിച്ചു. പിന്നാലെ ഇത് ഒരു സിനിമയ്ക്കുവേണ്ടിയുള്ള പ്രൊമോ ആണെന്നും പ്രചരണമുണ്ടായി. ഇപ്പോഴിതാ സേവ് ദി ഡേറ്റ് വീഡിയോയ്ക്ക് പിന്നാലെ ഒരു വിവാഹ ക്ഷണക്കത്തും പുറത്തെത്തിയിരിക്കുകയാണ്. രാജേഷ് മാധവന്റെയും ചിത്ര നായരുടെയും പേരല്ല മറിച്ച് ന്നാ താന് കേസ് കൊട് എന്ന ചിത്രത്തിലെ ഇരുവരുടെയും കഥാപാത്രങ്ങളുടെ പേരുകളാണ് വിവാഹ ക്ഷണക്കത്തില്. മെയ് 29 ന് പയ്യന്നൂര് കോളേജിലാണ് വിവാഹമെന്നാണ് കത്തില് പറയുന്നത്. ഈ കഥാപാത്രങ്ങളുടെ പ്രണയം പറയുന്ന ഒരു പുതിയ ചിത്രത്തിന്റെ തുടക്കം അന്നേ ദിവസം ഉണ്ടാവുന്നതിന്റെ സൂചനയാണ് ഇതെന്നാണ് വിലയിരുത്തല്.
