റാന്നി : നാളുകളായി പണിതിട്ടും പണിതീരാതെ ബി എസ് എൻഎൽ കേബിൾ ലൈൻ ജീവനക്കാർക്ക് തലവേദനയാകുന്നു. റാന്നി പാലത്തിനു സമീപം സ്ഥാപിച്ചിരിക്കുന്ന കേബിളുകളാണ് ജീവനക്കാരെ പൊറുതി മുട്ടിച്ചിരിക്കുന്നത്. റാന്നിയിൽ സംസ്ഥാന പാതയുടെ നിർമ്മാണം തുടങ്ങിയ നാൾ മുതൽ പണി ഒരു വർഷം കഴിഞ്ഞിട്ടും കേബിള് തകരാര് ഒരേ സ്ഥലത്തു തുടരുകയാണ്. മൂന്ന് മാസം മുൻപ് കള്ളൻമാർ നടത്തിയ മോഷണ ശ്രമത്തിൻ്റെ ഫലമാണങ്കിൽ ഇപ്പോൾ അതേ സ്ഥലത്ത് റോഡ് താഴ്ത്തിയതിൽ സംഭവിച്ച തകരാണ് ബുദ്ധിമുട്ടിലായത്.
റാന്നി പാലത്തിനു സമീപം ജലവിതരണ പൈപ്പ് സ്ഥാപിക്കാൻ മണ്ണ് മാന്തിയന്ത്രം ഉപയോഗിച്ച് കാന തോണ്ടിയപ്പോൾ തുടങ്ങിയ പ്രശ്നം ഇപ്പോഴും പല രൂപത്തിൽ ഇവിടെ തുടരുന്നു. ജലവിതരണ പൈപ്പ് സ്ഥാപിച്ചതിന് ശേഷം മണ്ണ് മൂടാതിരുന്നതിനാൽ കള്ളൻമാർ കേബിൾ പല പ്രാവശ്യം അറുത്തുമാറ്റിയിരുന്നു. പിന്നീട് ഇവിടെ സംവിധാനം പുനസ്ഥാപിക്കാൻ നാളുകളോളം ജീവനക്കാർ കഷ്ടപ്പെട്ടതിനു ശേഷമാണ് സംവിധാനം പുനക്രമീകരിച്ചത്.
പിന്നീട് ആഴ്ചകൾക്കുശേഷം റോഡിൻ്റെ ഉയരം കുറയ്ക്കുവാൻ തുടങ്ങിയപ്പോൾ വീണ്ടും തകരാർ നേരിട്ടതാണ് നാലു ജീവനക്കാർ ഒരാഴ്ചയായി കൊടുവെയിലിൽ ഇരുന്ന് തകരാർ പരിഹരിക്കുന്നത്. സംസ്ഥാന പാത പോകുന്ന എല്ലാ സ്ഥലത്തും കേബിൾ ഉണ്ടെങ്കിലും റാന്നി വലിയ പാലത്തിൻ്റെ ഭാഗത്ത് കിട്ടിയ എട്ടിൻ്റെ പണി വേറെ ഒരു സ്ഥലത്തും ഉണ്ടായിട്ടില്ലെന്നാണ് ജീവനക്കാർ പറയുന്നത്.
