പന്തളം : പന്തളം നഗരസഭയിൽ അനർഹമായി വീട് വെക്കാൻ പണം അനുവദിച്ചെന്ന പരാതിയിൽ വിജിലൻസ് പരിശോധന നടത്തി. രാവിലെ തുടങ്ങിയ പരിശോധന വൈകുന്നേരവും തുടർന്നു. സംസ്ഥാന സർക്കാരിൻ്റെ കെയർ ഹോം പദ്ധതിയിൽ വീടു ലഭിച്ച ആളിനാണ് പിഎംഎവൈ (പ്രധാനമന്ത്രി ഭവനപദ്ധതി)-ലൈഫ് പദ്ധതിയിലും വീടു നല്കിയത്. ഇതാണു പരാതിയ്ക്കിടയാക്കിയത്. വിജിലൻസ് സിഐ കെ അനിൽകുമാറിൻ്റെ നേതൃത്വത്തിൽ സിപിഒ മാരായ സി.ആർ. അജീഷ്, എസ് ഷാലു, എ അജീർ, തുമ്പമൺ ഗ്രാമ പഞ്ചായത്ത് സെക്രട്ടറി പി എ ഷാജു എന്നിവരുടെ സംഘമാണ് റെയ്ഡ് നടത്തുന്നത്.
