റാന്നി: അയര്ലന്ഡിൽ നഴ്സായിരുന്ന മലയാളി വനിത ഹൃദയാഘാതത്തെ തുടർന്ന് നാട്ടിൽ നിര്യാതയായി. റാന്നി സ്വദേശിനി ഷെറിന് എബ്രഹാം(43) ആണ് മരിച്ചത്. 43 വയസ്സായിരുന്നു. പരേത റാന്നി ഇട്ടിയപ്പാറ മധുരംകോട്ട് കുടുംബാംഗം ആണ്. 2023 മുതൽ അയർലണ്ടിലെ കൗണ്ടി ഓഫ്ലിയിൽ എസ്കർ ആർ ഐ നേഴ്സിംഗ് ഹോമിൽ ജോലി ചെയ്യുകയായിരുന്നു. നേരത്തെ ദുബായ് എമിറേറ്റ്സ് ഹോസ്പിറ്റലിൽ നേഴ്സായിരുന്നു.
കഴിഞ്ഞ മാസം ജോലിക്കിടെ ശാരീരിക അസ്വസ്ഥത ഉണ്ടായതിനെ തുടർന്ന് നടത്തിയ പരിശോധനയില് രക്തത്തില് പ്ലേറ്റ്ലെറ്റുകളുടെ കുറവ് കണ്ടെത്തി. തുടർന്ന് നാട്ടിലെത്തി ചികിത്സയിലിരിക്കെയാണ് കാര്ഡിയാക് അറസ്റ്റ് ഉണ്ടായത്. ഭർത്താവ് : അങ്ങാടി പുല്ലൂപ്രം കടയ്ക്കേത്ത് (മുരിക്കേത്ത്) സോനു തോമസ്. രണ്ട് മക്കൾ.
