റാന്നി : അങ്ങാടി ഉപാസന കടവിലെ നദീ തീരത്ത് താമസിച്ചിരുന്ന രണ്ടു കുട്ടികളും വയോധികരുമടക്കമുള്ള നാലംഗ സംഘത്തെ അഗ്നിശമന സേനയുടെ റാന്നി ടീം നദിയിലൂടെ കുത്തൊഴുക്കില് റബ്ബര് ഡിങ്കിയിൽ എത്തി രക്ഷപ്പെടുത്തി. ഇവരെ അങ്ങാടി പി.ജെ.ടി ഹാളില് താൽക്കാലികമായി പ്രവർത്തിക്കുന്ന ക്യാമ്പിൽ രാത്രി ഒന്നരയോടെ കൂടി എത്തിച്ചു.
റാന്നിയിൽ ഞായറാഴ്ച ഉച്ചയ്ക്കുശേഷം പമ്പാ നദിയിൽ ഉണ്ടായ അപ്രതീക്ഷിത ജലപ്രളയത്തിൽ വീട്ടിൽ ഒറ്റപ്പെട്ടു പോവുകയായിരുന്നു. നദീ തീരത്തെ മണിമലേത്ത് കെട്ടിടത്തിൽ വാടകയ്ക്ക് താമസിക്കുന്ന കുടുംബമാണിത്.
രാത്രി 11 മണിയോടുകൂടി വിവരം അറിഞ്ഞ അങ്ങാടി വില്ലേജ് ഓഫീസർ സജി കെ. ഫിലിപ്പ്, റാന്നി ജനമൈത്രി പോലീസ് സമിതി കോർഡിനേറ്റർ ശ്രീനി ശാസ്താംകോവിൽ, അങ്ങാടി പഞ്ചായത്ത് പ്രസിഡന്റ് ബിന്ദു റെജി വളയനാട്ട്, റാന്നി എസ്.ഐ ഗീവർഗീസ്, എന്നിവരും രക്ഷാപ്രവര്ത്തനത്തിന് നേതൃത്വം കൊടുത്തു.
