തിരുവനന്തപുരം : പത്തുവയസ്സുകാരിയായ ചെറുമകളെ പീഡിപ്പിച്ച മുത്തച്ഛനെ അറസ്റ്റു ചെയ്തു. രണ്ടു വര്ഷം മുമ്പ് താന് പീഡനത്തിന് ഇരയായതായി ചികിത്സിച്ച ഡോക്ടറോട് പെണ്കുട്ടി വെളിപ്പെടുത്തുകയായിരുന്നു. ഇതേത്തുടര്ന്നാണ് എഴുപതു വയസ്സുകാരനായ മുത്തച്ഛനെ പോലീസ് അറസ്റ്റ് ചെയ്തത്. ഇയാളുടെ മകന്റെ മകളാണ് പീഡനത്തിന് ഇരയായത്.
തിരുവനന്തപുരം എസ് എ ടി ആശുപത്രിയില് ചികില്സയ്ക്ക് എത്തിയപ്പോഴാണ് പത്തുവയസുകാരി രണ്ടു വര്ഷം മുമ്പ് നേരിട്ട ദുരനുഭവം ഡോക്ടറോട് തുറന്നുപറഞ്ഞത്. തുടര്ന്ന് നടത്തിയ അന്വേഷണത്തിലാണ് പെണ്കുട്ടിയുടെ മുത്തച്ഛന് തന്നെയാണ് കുട്ടിയെ പീഡിനത്തിന് ഇരയാക്കിയതെന്ന് കണ്ടെത്തിയത്. പിന്നാലെ വിളപ്പില്ശാല പോലീസ് പെണ്കുട്ടിയുടെ മൊഴിയുടെ അടിസ്ഥാനത്തില് മുത്തച്ഛനെ അറസ്റ്റ് ചെയ്യുകയായിരുന്നു.