രാഷ്ട്രീയ പ്രചരണ സദസ്സ് ഉദ്ഘാടനം ചെയ്തു

കോന്നി : സി പി ഐ തണ്ണിത്തോട് ലോക്കൽ സമ്മേളനത്തോട് അനുബന്ധിച്ച് നടന്ന രാഷ്ട്രീയ പ്രചരണ സദസ്സ് സി പി ഐ സംസ്ഥാന കൗൺസിൽ അംഗം വി പി ഉണ്ണികൃഷ്ണൻ ഉദ്ഘാടനം ചെയ്തു. സി പി ഐ തണ്ണിത്തോട് ലോക്കൽ കമ്മിറ്റി സെക്രട്ടറി പി സി ശ്രീകുമാർ അധ്യക്ഷത വഹിച്ചു. സി പി ഐ ജില്ലാ സെക്രട്ടറി എ പി ജയൻ മുഖ്യ പ്രഭാഷണം നടത്തി. തുടർന്ന് വിവിധ മേഖലകളിൽ പ്രതിഭ തെളിയിച്ച ഡോ കെ എസ് ജയദേവൻ, ജിബി റെജി, അബുദേവ് എ പി, ആദർശ് ബിനു, പി ഡി പ്രസാദ്, വർഗീസ് മാമൻ, രഞ്ചൻ തണ്ണിത്തോട്, അമൽ കെ ചന്ദ് തുടങ്ങിയവരെ സി പി ഐ ജില്ലാ സെക്രട്ടറി ആദരിച്ചു. സി പി ഐ സംസ്ഥാന കൗൺസിൽ അംഗം പി ആർ ഗോപിനാഥൻ കായിക മത്സര വിജയികളെ ആദരിച്ചു. സി പി ഐ ജില്ലാ കൗൺസിൽ അംഗം സുമതി നരേന്ദ്രൻ, മണ്ഡലം കമ്മറ്റി അംഗം കെ സന്തോഷ്‌, സി വി രാജൻ, പി ആർ രാമചന്ദ്രൻ പിള്ള, ദിവാകരൻ, എൻ ചെല്ലപ്പൻ, റെജി ജോർജ്, എ ആർ സ്വഭു തുടങ്ങിയവർ സംസാരിച്ചു.