പത്തനംതിട്ട : ജില്ലയില് നിന്നും വിജയിച്ച യു.ഡി.എഫ് എം.എല്.എ മാരായ അഡ്വ. പഴകുളം മധു, അഡ്വ.അബിന് വര്ക്കി, അഡ്വ.വര്ഗീസ് മാമ്മന്, അഡ്വ.സി.വി.ശാന്തകുമാര് എന്നിവര്ക്ക് ജൂണ് 14 ഞായറാഴ്ച ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് സ്വീകരണം നല്കുമെന്ന് ഡി.സി.സി സംഘടനാകാര്യ ജനറല് സെക്രട്ടറി സാമുവല് കിഴക്കുപുറം അറിയിച്ചു. വൈകിട്ട് 5 മണിക്ക് പത്തനംതിട്ട രാജീവ്ഭവന് ഓഡിറ്റോറിയത്തില് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിലിന്റെ അദ്ധ്യക്ഷതയില് ചേരുന്ന സ്വീകരണ സമ്മേളനം ആഭ്യന്തരവകുപ്പ് മന്ത്രി രമേശ് ചെന്നിത്തല ഉദ്ഘാടനം ചെയ്യും.
കെ.പി.സി.സി കോര് കമ്മിറ്റി അംഗം പ്രൊഫ.പി.ജെ. കുര്യന്, യു.ഡി.എഫ് സംസ്ഥാന കണ്വീനര് അഡ്വ.അടൂര് പ്രകാശ് എം.പി, രാഷ്ട്രീയകാര്യ സമിതി അംഗം ആന്റോ ആന്റണി എം.പി, കെ.പി.സി.സി, ഡി.സി.സി, പോഷക സംഘടനാ നേതാക്കള് എന്നിവര് ആശംസാ പ്രസംഗങ്ങള് നടത്തും. ജില്ലയിലെ മുതിര്ന്ന നേതാക്കള് കെ.പി.സി.സി, ഡി.സി.സി ഭാരവാഹികള്, ഡി.സി.സി അംഗങ്ങള്, ബ്ലോക്ക്, മണ്ഡലം, വാര്ഡ്, ബൂത്ത് പ്രസിഡന്റുമാര് – ഭാരവാഹികള്, പോഷക സംഘടനാ ഭാരവാഹികള് എന്നിവര് സ്വീകരണ സമ്മേളനത്തില് പങ്കെടുക്കുമെന്ന് പത്തനംതിട്ട ഡി.സി.സി അറിയിച്ചു.
