തിരുവനന്തപുരം: ഓണാവധിക്ക് ശേഷം തിരികെ മടങ്ങുന്നവർക്ക് ആശ്വാസമായി സ്പെഷ്യൽ ട്രെയിൻ. മംഗളൂരു ജംഗ്ഷൻ – എസ്എംവിടി ബെംഗളൂരു സ്പെഷ്യൽ ട്രെയിൻ (06072) ഇന്ന് സർവീസ് നടത്തും. മംഗളൂരു ജംഗ്ഷനിൽ നിന്ന് ഓഗസ്റ്റ് 29 ശനിയാഴ്ച രാവിലെ 11.15ന് പുറപ്പെടുന്ന ട്രെയിൻ ഞായറാഴ്ച പുലർച്ചെ നാലുമണിയോടെയാണ് ബംഗളുരുവിൽ എത്തുക. കേരളത്തിൽ പത്ത് സ്റ്റോപ്പുകളാണുള്ളത്. കാസർകോട് (എത്തുന്ന സമയം – 11.54) കാഞ്ഞങ്ങാട് (12.14) നീലേശ്വരം (12.24) പയ്യന്നൂർ (12.45) കണ്ണൂർ (ഉച്ചയ്ക്ക് 01.27) തലശേരി(01.50) വടകര (02.14) കോഴിക്കോട് (03.34) ഷൊർണൂർ (04.30) പാലക്കാട് ജംഗ്ഷൻ (05.30) എന്നിവിടങ്ങളിലാണ് സ്റ്റോപ്പുകളുള്ളത്. ഒരു എസി ടൂ ടയർ, മൂന്ന് എസി ത്രീടയർ, പത്ത് സ്ലീപ്പർക്ലാസ്, നാല് സെക്കൻഡ് ക്ലാസ് കം ലഗേജ് ബ്രേക്ക് വാൻ കോച്ചുകളുമായാണ് ട്രെയിൻ സർവീസ് നടത്തുക.
അതേസമയം ഇന്ന് തിരുവനന്തപുരം നോർത്ത് – സാന്ത്രാഗാചി ജംഗ്ഷൻ സ്പെഷ്യൽ ട്രെയിനും (06058) സർവീസ് നടത്തും. ഉച്ചയ്ക്ക് 2.40ഓടെ സർവീസ് ആരംഭിക്കുന്ന ട്രെയിൻ തിങ്കളാഴ്ച ഉച്ചയ്ക്ക് 2.15ന് സാന്ത്രാഗാചിയിലെത്തും. പതിനൊന്ന് സ്റ്റോപ്പുകളാണ് കേരളത്തിലുള്ളത്. കൊല്ലം ജംഗ്ഷൻ, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട് ജംഗ്ഷൻ എന്നിവിടങ്ങളിലാണ് സ്റ്റോപ്പുകൾ.
