ആറന്മുള : വാടകയ്ക്ക് എടുത്ത വാഹനങ്ങള് പണയം വെച്ച് പണം തട്ടിയ കേസില് അറസ്റ്റ്. കൊല്ലം മയ്യനാട് കൂട്ടിക്കട ആയിരംതെങ്ങ് മനയില് ഷാജഹാന് (40) ആണ് അറസ്റ്റിലായത്. ആറന്മുളയില് വര്ഷങ്ങളായി താമസിക്കുന്ന ഷാജഹാന് തവണ വ്യവസ്ഥയിലുള്ള കച്ചവടവും കേറ്ററിങ് സര്വീസും നടത്തി വരികയായിരുന്നു. കൊല്ലം, തിരുവനന്തപുരം ജില്ലകളിലാണ് പ്രധാനമായും പണയം വെച്ചിരുന്നത്. അഞ്ച് വാഹനങ്ങള് പണയപ്പെടുത്തിയതായി പോലീസിന് പരാതി ലഭിച്ചിട്ടുണ്ട്. കൂടുതല് വാഹനങ്ങള് പണയപ്പെടുത്തിയിട്ടുണ്ടോ എന്നത് ഉള്പ്പെടെയുള്ള കാര്യങ്ങള് ആറന്മുള എസ്എച്ച്ഒ സി.കെ മനോജ് കുമാറിന്റെ നേതൃത്വത്തില് അന്വേഷിച്ചു വരികയാണ്.
