റാന്നി : ശിവസേന ജില്ലാ ഭാരവാഹികളും പഞ്ചായത്ത് ഭാരവാഹികളും രാജിവെച്ച് ബി ജെ പിയിൽ ചേർന്നു.
ശിവസേന ജില്ലാ സെക്രട്ടറി എം. എസ് പ്രതീഷ് , ജില്ലാ സംഘടനാ സെക്രട്ടറി രാജേഷ് രവീന്ദ്രനാഥ് എന്നിവരുടെ നേതൃത്വത്തിൽ ജില്ലാ ട്രഷർ രാമചന്ദ്രൻ നായർ, ആറന്മുള നിയോജകമണ്ഡലം പ്രസിഡന്റ് രജീഷ് പുല്ലാട്, റാന്നി പഴവങ്ങാടി പഞ്ചായത്ത് കമ്മിറ്റി പ്രസിഡന്റ് പി.ബി വിനീഷ് , കോയിപ്രം പഞ്ചായത്ത് കമ്മിറ്റി ജനറൽ സെക്രട്ടറി ലിബു മാത്യു എന്നിവരാണ് ബിജെപിയിൽ അംഗത്വം സ്വീകരിച്ചത്.
പാര്ട്ടിയിലേക്ക് വന്നവരെ ബിജെപി ജില്ലാ പ്രസിഡന്റ് അശോകൻ കുളനട ഷാൾ അണിയിച്ചു സ്വീകരിച്ചു. ബിജെപി ജില്ലാ കാര്യാലയത്തിൽ വെച്ചു നടന്ന ചടങ്ങിൽ ജില്ലാ വൈസ് പ്രസിഡന്റ് എം എസ് അനിൽ, റാന്നി നിയോജകമണ്ഡലം പ്രസിഡന്റ് അഡ്വ ഷൈൻ ജി. കുറുപ്പ്, ജനറൽ സെക്രട്ടറി സിനു എസ്. പണിക്കർ എന്നിവർ ചടങ്ങിൽ പങ്കെടുത്തു.