ഡല്ഹി : കോവിഡ് പരിശോധനകള്ക്ക് കൂടുതല് കൃത്യതയും സമയബന്ധിതമായും നടത്താനായി സംസ്ഥാനത്ത് ഫെലൂദ ടെസ്റ്റ് വരുന്നു. ഒരു മണിക്കൂറില് കോവിഡ് ഫലം അറിയാനാകും എന്നതാണ് ഇതിന്റെ സവിശേഷത. പരിശോധന കിറ്റുകള് എത്തിക്കാന് മെഡിക്കല് സര്വീസസ് കോര്പറേഷന് കമ്പനികളുമായി ചര്ച്ച ആരംഭിച്ചു. ഫെലൂദ വരുമ്പോള് പരിശോധനകളുടെ എണ്ണം കൂട്ടാന് സാധിക്കുമെന്നാണ് ആരോഗ്യവകുപ്പിന്റെ പ്രതീക്ഷ.
ഡല്ഹി കേന്ദ്രമായ സി.എസ് ഐ.ആറും ടാറ്റയും ചേര്ന്ന് കണ്ടെത്തിയ നൂതന കോവിഡ് പരിശോധന സംവിധാനമാണ് ഫെലൂദ ടെസ്റ്റ്. പേപ്പര് സ്ട്രിപ്പ് ഉപയോഗിച്ചുള്ള ലളിതമായ രീതിയില്. മൂക്കില് നിന്നുള്ള സ്രവം എടുത്ത് തന്നെയാണ് പരിശോധന നടത്തുന്നത്. വൈറസിന്റെ ചെറു സാന്നിധ്യം പോലും കണ്ടെത്താനാകും എന്നതാണ് പ്രത്യേകത. അതിനാല് രോഗമുണ്ടോ എന്ന് കണ്ടെത്താന് തുടര് പരിശോധനയും ആവശ്യമില്ല.
