കണ്ണൂര് : കെ റെയില് വിശദീകരണം നടക്കുന്നതിനിടയില് പ്രതിഷേധവുമായെത്തിയതിന് അറസ്റ്റ് ചെയ്ത യൂത്ത് കോണ്ഗ്രസ് പ്രവര്ത്തകര്ക്ക് കണ്ണൂര് ഫസ്റ്റ് ക്ലാസ് മജിസ്ട്രേറ്റ് കോടതി ജാമ്യം നല്കി. ജാമ്യം ലഭിച്ച യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് റിജില്മാക്കുറ്റി, ജില്ലാ പ്രസിഡന്റ് സുദീപ് ജെയിംസ്, സംസ്ഥാന സെക്രട്ടറി വിനീഷ് ചുള്ളിയാന്, പ്രിനില് മതുക്കോത്ത്, യഹിയ പള്ളിപ്പറമ്പ് എന്നിവര്ക്കാണ് കോടതി ജാമ്യം നല്കിയത്.
ജാമ്യത്തിലിറങ്ങിയ നേതാക്കൾക്ക് യൂത്ത് കോണ്ഗ്രസ് പ്രവര്ത്തകര് സ്വീകരണം നല്കി. കണ്ണൂരിലെത്തിയ യൂത്ത് കോണ്ഗ്രസ് സംസ്ഥാന പ്രസിഡന്റ് ഷാഫി പറമ്പില് സബ്ബ് ജയിലില് കഴിയുന്ന നേതാക്കളെ സന്ദര്ശിച്ചിരുന്നു. ഷാഫിപറമ്പിലിനൊപ്പം ഡിസിസി പ്രസിഡന്റ് മാര്ട്ടിന് ജോര്ജ്, കെ രാഹുല്, കമല്ജിത്ത് , സന്ദീപ് പാണപ്പുഴ എന്നിവരുമുണ്ടായിരുന്നു.
