മുറിഞ്ഞകൽ അതിരുംകൽ റോഡ് തകർച്ച ജനങ്ങളെ ദുരിതത്തിലാക്കുന്നു

കോന്നി : മുറിഞ്ഞകൽ അതിരുംകൽ റോഡ് തകർച്ച ജനങ്ങളെ വലക്കുന്നു. പുനലൂർ മൂവാറ്റുപുഴ പാതയിൽ നിന്നും ബന്ധിക്കുന്ന അതിരുംകൽ മുറിഞ്ഞകൽ റോഡ് വർഷങ്ങളായി ടാർ ചെയ്ത് നവീകരിച്ചിട്ട്. ബി എം ആൻഡ് ബി സി ടാർ ചെയ്ത റോഡിൽ ടിപ്പർ ലോറികൾ ദിവസേന സഞ്ചരിക്കുന്നതുമാണ്. റോഡ് പലയിടത്തും ടാറിങ് ഇളകി കുഴി രൂപപ്പെട്ടിട്ടുണ്ട്. ബി എം ആൻഡ് ബി സി സാങ്കേതിക വിദ്യയിൽ ടാർ ചെയ്ത റോഡിൽ വളവിലും മറ്റും കുഴി രൂപപെട്ടത് ഇരുചക്ര വാഹന യാത്രക്കാർക്ക് അടക്കം ഭീഷണി ആയി തീർന്നിട്ടുണ്ട്. അതിരുംകൽ, കുളത്തുമൺ, പോത്തുപാറ, കൂടൽ, പുന്നമൂട് തുടങ്ങി വിവിധ സ്ഥലങ്ങളിൽ ജനങ്ങൾ സഞ്ചരിക്കുന്നതും ഇതുവഴി ആണ്. മുൻപ് കോന്നി എം എൽ എ ഫണ്ടിൽ നിന്നും മുറിഞ്ഞകൽ – അതിരുങ്കൽ – പുന്നമൂട്- രാജഗിരി റോഡിന് 15 കോടി രൂപ അനുവദിച്ചിരുന്നു.