പാലാ: ഇടമറ്റം-മീനച്ചില് പഞ്ചായത്ത് വാര്ഡ് 12 ല് പിഎംജിഎസ്വൈ പദ്ധതിപ്രകാരം പണി തുടങ്ങിയ പൂവരണി അമ്പലം ഹെല്ത്ത് സെന്റര് പാലാക്കാട് റോഡിന്റെ പണികള് പൂര്ത്തിയാക്കുന്നതിന് തടസ്സം നില്ക്കുന്ന മീനച്ചില് പഞ്ചായത്ത് ഭരണസമിതിയുടെ ഇരട്ടത്താപ്പിനെതിരെ ബിജെപി മീനച്ചില് പഞ്ചായത്ത് കമ്മിറ്റിയുടെ നേതൃത്വത്തില് പ്രതിഷേധ മാര്ച്ചും ധര്ണ്ണയും നടത്തി.
എസ്.സി. മോര്ച്ച സംസ്ഥാന സെക്രട്ടറി രമേശ് കാവിമറ്റം ധര്ണ്ണ ഉദ്ഘാടനം ചെയ്തു. ബിജെപി ഭരണങ്ങാനം മണ്ഡലം പ്രസിഡന്റ് സരീഷ് കുമാര്, ബിജെപി മീനച്ചില് പഞ്ചായത്ത് പ്രസിഡന്റ് സജീവ് കെ പി, ജില്ലാ കമ്മിറ്റിയംഗങ്ങളായ മോഹനന്, ബിജു സി ബി, സെല് കോഡിനേറ്റര് അഭിലാഷ്, പഞ്ചായത്ത് മെമ്പര്മാരായ ജയശ്രീ, ബിന്ദു, ജനറല് സെക്രട്ടറി ഗ്ലാഡിസ് സോമന് എന്നിവര് പ്രസംഗിച്ചു. നിരവധി പ്രവര്ത്തകര് മാര്ച്ചില് പങ്കെടുത്തു.
