പുനലൂർ : പുനലൂർ – മുവാറ്റുപുഴ റോഡ് പണിയുമായി ബന്ധപ്പെട്ട് ബൈ റോഡുകൾ ഇളക്കി ടാർ ചെയ്യാതെ ഗതാഗതം തടസ്സപ്പെടുത്തിയതില് പ്രതിഷേധിച്ച് പഞ്ചായത്ത് അംഗം വി.ശങ്കറിന്റെ നേതൃത്വത്തിൽ പ്രദേശവാസികൾ റോഡുപണി തടസപ്പെടുത്തി. ഇളകൊള്ളൂർ ഐടിഐ പടിക്ക് സമീപമാണ് കഴിഞ്ഞ ദിവസം രാത്രിയിൽ പണികള് തടസപ്പെടുത്തിയത്. ഇകെകെ കരാർ കമ്പനി പ്രതിനിധികൾ എത്തി ചർച്ച നടത്തി അടിയന്തിരമായി ബൈ റോഡുകളുടെ ടാറിങ് ചെയ്യാമെന്ന ഉറപ്പിൽ സമരം അവസാനിപ്പിച്ചു. പ്രതിഷേധത്തിൽ പഞ്ചായത്ത് അംഗം ആനന്ദവല്ലി അമ്മ, ദിലീപ് മല്ലശ്ശേരി,അനീഷ് ഇളകൊള്ളൂർ, സന്തോഷ് പടിഞ്ഞാറ്റൽ, മനോജ് പ്ലാവ് നിൽക്കുന്നതിൽ തുടങ്ങിയവരും പങ്കെടുത്തു.
