ചെങ്ങന്നൂര് : ക്വാറന്റീന് കേന്ദ്രത്തിന് കൈമാറിയ ഐ.എച്ച്.ആര്.ഡി എന്ജിനീയറിങ് കോളജിന്റെ വനിത ഹോസ്റ്റലില് വന് കവര്ച്ച. കെ.എസ്.ആര്.ടി.സി ബസ് സ്റ്റേഷന് എതിര്വശത്തെ പി.ടി. ഉഷ റോഡിലെ താമസകേന്ദ്രത്തില് 80 മുറിയിലായി 200 വിദ്യാര്ഥിനികളാണ് താമസിച്ചിരുന്നത്. ഇവിടെനിന്ന് പല ദിവസങ്ങളിലായി കസേരയുള്പ്പെടെയുള്ളവ കൊണ്ടുപോകുന്നതായി അയല്വാസികളുടെ ശ്രദ്ധയില്പ്പെട്ടിരുന്നു. ഇവരാണ് വിവരം കോളജിലെ ബന്ധപ്പെട്ടവരെ അറിയിച്ചത്.
പോലീസിന്റെ നേതൃത്വത്തില് പരിശോധന നടത്തിയപ്പോള് പ്രധാന വാതിലും കുട്ടികള് ഉപയോഗിച്ചിരുന്ന അഞ്ചുമുറിയുടെ പൂട്ടുകളും തകര്ത്തതായി കണ്ടെത്തി. ബാഗുകള് തുറന്ന് വസ്ത്രങ്ങളും പുസ്തകങ്ങളും മറ്റും വലിച്ചെറിഞ്ഞ നിലയിലായിരുന്നു. ഇരുനൂറോളം കസേരകളും റിപ്പയറിങ്ങിന് സൂക്ഷിച്ചിരുന്ന ഫാനുകളും നഷ്ടപ്പെട്ടതായി പ്രാഥമിക പരിശോധനയില് വ്യക്തമായി.