കോഴിക്കോട്: കേരളത്തില് ബി.ജെ.പി അധികാരത്തിലെത്തിയാല് എല്ലാ ദേവസ്വം ബോര്ഡുകളും പിരിച്ചുവിടുമെന്ന് സംസ്ഥാന അധ്യക്ഷന് കെ. സുേരന്ദ്രന്. രാഷ്ട്രീയക്കാരെ ഒഴിവാക്കി വിശ്വാസികളെ ഭരണം ഏല്പ്പിക്കും. സര്ക്കാറിന്റെ അധീനതയില് കൊണ്ടുവരാന് രാഷ്ട്രീയ പാര്ട്ടികള് നടത്തുന്ന നീക്കങ്ങളാണ് കേരളത്തിലെ ക്ഷേത്രങ്ങള് തകരുന്നതിന്റെ കാരണമെന്നും സുേരന്ദ്രന് പറഞ്ഞു.
അധികാരത്തിലെത്തിയാല് ഉത്തര് പ്രദേശ് മാതൃകയില് സംസ്ഥാനത്തും ലവ് ജിഹാദ് നിയമം കൊണ്ടുവരുമെന്നും സുരേന്ദ്രന് കൂട്ടിച്ചേര്ത്തു. യു.ഡി.എഫും എല്.ഡി.എഫും ലവ് ജിഹാദ് നിയമം കൊണ്ടുവരാന് തയാറുണ്ടോയെന്ന് വ്യക്തമാക്കണം. വിശ്വാസികളുടെ കാര്യത്തില് പ്രസ്താവനകള് കൊണ്ട് കാര്യമില്ലെന്നും നടപടികളാണ് ആവശ്യമെന്നും കെ. സുരേന്ദ്രന് പറഞ്ഞു.
ശബരിമല കാലത്ത് വിശ്വാസികള്ക്കെതിരെ എടുത്ത എല്ലാ കേസുകളും പിന്വലിക്കാന് പിണറായി സര്ക്കാര് തയാറാകണം. ശബരിമല പ്രക്ഷോഭ സമയത്ത് യു.ഡി.എഫ് നേതാക്കള് മാളത്തിലൊളിച്ചു. കോണ്ഗ്രസിന്റെ ഒരു നേതാവും സമരത്തില് തങ്ങള്ക്കൊപ്പമില്ലായിരുന്നു. ശബരിമല വിഷയത്തില് ഉമ്മന് ചാണ്ടി ക്രൂരമായ നിലപാട് സ്വീകരിച്ചു. ഒരു പ്രസ്താവന പോലും ഇറക്കിയില്ല. ഹിന്ദുക്കളുടെ കാര്യമായതിനാല് അവര് എന്തുവേണമെങ്കിലും ആയിക്കോട്ടെയെന്ന നിലപാടായിരുന്നു ഉമ്മന്ചാണ്ടിക്കെന്നും കെ. സുേരന്ദ്രന് പറഞ്ഞു.
