തിരുവനന്തപുരം: ശബരിമലയിലെ മെഡിക്കല് ഡ്യൂട്ടിയില് നിന്നും ഒഴിവാക്കണമെന്ന ആവശ്യവുമായി സര്ക്കാര് ഡോക്ടര്മാരുടെ സംഘടന. ശബരിമല മണ്ഡല വിളക്ക് ഡ്യൂട്ടിയില് നിന്നും ആരോഗ്യ വകുപ്പിലെ ഡോക്ടര്മൊരെയും ജീവനക്കാരെയും ഒഴിവാക്കണമെന്നാണ് സംഘടന ആവശ്യപ്പെടുന്നത്. ഇത് സംബന്ധിച്ച് മുഖ്യമന്ത്രി പിണറായി വിജയന് സര്ക്കാര് ഡോക്ടര്മാരുടെ സംഘടന കത്ത് നല്കി.
നിലവില് സംസ്ഥാനത്തെ സര്ക്കാര് ആശുപത്രികളിലും പ്രാഥമികാരോഗ്യ കേന്ദ്രത്തിലും ഡോക്ടര്മാര് കുറവാണ്. കൊറോണ വൈറസ് വ്യാപനത്തിന്റെ പശ്ചാത്തലത്തില് ആരോഗ്യ പ്രവര്ത്തകരെ ശബരിമല ഡ്യൂട്ടിയ്ക്ക് നിയോഗിച്ചാല് അത് പ്രതിരോധ നടപടികളെ ബാധിക്കും. അതിനാല് തന്നെ ശബരിമലയിലെ മെഡിക്കല് ഡ്യൂട്ടിയ്ക്ക് പകരം സംവിധാനം കാണണമെന്നാണ് സംഘടനാ നേതാക്കള് കത്തില് ആവശ്യപ്പെട്ടിരിക്കുന്നത്.
