ശബരിമല : ശബരിമലയില് തങ്കയങ്കി ചാര്ത്തിയുള്ള മണ്ഡല പൂജ നടന്നു. മണ്ഡല കാല തീര്ത്ഥാടനത്തിന്റെ അവസാന ദിവസം വന് തിരക്കാണ് സന്നിധാനത്ത് ദൃശമായത്. പതിനായിരങ്ങള് ഏറ്റു ചൊല്ലുന്ന ശരണ മന്ത്രങ്ങളുടെ മുഴക്കത്തിന് നടുവിലൂടെ ആദ്യം കലശ കുംഭവുമായി തന്ത്രിയും മേല്ശാന്തിയും പ്രദക്ഷിണം നടത്തി. നെയ്യും കര്പ്പൂരവും മണക്കുന്ന വഴികളില് പ്രാര്ത്ഥനാ നിര്ഭരമായ തൊഴുകൈയ്യോടെ 26000 അധികം അയ്യപ്പഭക്തര് വരി നിന്നു. തങ്കയങ്കി ചാര്ത്തി രാജകീയ പൗഢിയോടെ തിളങ്ങി നില്ക്കുന്ന അയ്യപ്പ വിഗഹത്തില് മണ്ഡലപൂജ ആരംഭിച്ചത് 11.50 ന്. മീനം രാശി മൂഹൂര്ത്തില് നടന്ന ചടങ്ങുകള്ക്ക് തന്ത്രി കണ്ഠര് മഹേഷ് മോഹനര് മേല്ശാന്തി എന്. പരമേശ്വരന് നമ്പൂതിരി എന്നിവര് നേതൃത്വം നല്കി.
കളഭാഭിഷേകത്തിന് ശേഷം മണ്ഡല പൂജ നടന്നു. ദേവസ്വം മന്ത്രി കെ രാധാകൃഷ്ണന് , ദേവസ്വം ബോര്ഡ് പ്രസിഡന്റ് അഡ്വ. കെ. അനന്തഗോപന് എന്നിവരും സന്നിധാനത്ത് എത്തിയിരുന്നു. മകരവിളക്ക് ഉത്സവുമായി ബന്ധപ്പെട്ട് കാനനപാതയില് ആവശ്യമായ എല്ലാ സൗകര്യങ്ങളും ഒരുക്കുമെന്ന് മന്ത്രി കെ രാധാകൃഷണന് പറഞ്ഞു. ഇന്ന് രാത്രി 10 ന് ഹരിവരാസനം പാടി നട അയ്ക്കുന്നതോടെ 41 ദിവസം നീണ്ടു നിന്ന മണ്ഡല കാല തീര്ത്ഥാനത്തിന് സമാപനമാകും.
