പത്തനംതിട്ട : ശബരിമലയില് പുണ്യം പൂങ്കാവനം പദ്ധതിക്ക് തുടക്കം കുറിച്ച പുണ്യം പൂങ്കാവനം പ്രൊജക്ട് സ്റ്റേറ്റ് നോഡല് ഓഫീസറായ ഐജി പി.വിജയന് ശബരിമലയില് ദര്ശനം നടത്തി. ദര്ശനത്തിന് ശേഷം പുണ്യം പൂങ്കാവനത്തിന്റെ ഓഫീസ് അദ്ദേഹം സന്ദര്ശിച്ചു. വലിയ നടപ്പന്തല്, മാളികപ്പുറം ഫ്ളൈഓവര് എന്നിവിടങ്ങളില് ദിവസേന നടക്കാറുള്ള ശുചീകരണ പ്രവര്ത്തനങ്ങളില് അദ്ദേഹവും പങ്കാളിയായി. പ്ലാസ്റ്റിക്ക് മുക്തമായ ശബരിമലയ്ക്കായി പ്രയത്നിക്കാന് അദ്ദേഹം ഭക്തരോട് അഭ്യര്ഥിച്ചു. സന്നിധാനം പോലീസ് സ്പെഷ്യല് ഓഫീസര് ആര്.ആനന്ദ്, ആര്എഎഫ് കമാന്ഡന്ന്റ് ജി. വിജയന്, ഡിവൈഎസ്പി രമേശ് കുമാര് തുടങ്ങിയവരും ഒപ്പമുണ്ടായിരുന്നു.
