കൊച്ചി : നിയമവിരുദ്ധമായി ഒന്നും പറഞ്ഞിട്ടില്ലെന്ന് തെളിഞ്ഞതായി സജി ചെറിയാന്. സത്യപ്രതിജ്ഞ സംബന്ധിച്ച് അറിയിപ്പ് ലഭിച്ചിട്ടില്ല. അറിയിപ്പ് ലഭിച്ചാല് തിരുവനന്തപുരത്തേക്ക് പോകും. അനുമതി നല്കേണ്ടത് ഗവര്ണറാണ്. പാര്ട്ടിയുടെയും എന്റെയും ധാര്മ്മികത ഉയര്ത്തിപ്പിടിച്ചാണ് രാജിവെച്ചത്. നിലവില് തനിക്കെതിരെ കേസുകളില്ലെന്നും സജി ചെറിയാന് പറഞ്ഞു. അദ്ദേഹത്തെ മന്ത്രിസഭയിലേക്ക് തിരിച്ചുകൊണ്ടുവരാനുള്ള മുഖ്യമന്ത്രിയുടെ ശുപാര്ശ ഗവര്ണര് ആരിഫ് മുഹമ്മദ് ഖാന് അംഗീകരിച്ചതിന് പിന്നാലെയാണ് പ്രതികരണം.
താന് ഭരണഘടന വിരുദ്ധമായി ഒന്നും പറഞ്ഞിട്ടില്ല. സര്ക്കാരിന്റെയും പാര്ട്ടിയുടെയും താല്പര്യം സംരക്ഷിക്കാനാണ് രാജിവെച്ചത്. കടിച്ചുതൂങ്ങിയില്ല. അതാണ് എന്റെ മാന്യത. ആ മാന്യതയെ പറ്റി പലരും പറഞ്ഞില്ല. എല്ലാവരും എന്നെ അടിമുടി വിമര്ശിക്കുകയാണ് ചെയ്തതെന്നും അദ്ദേഹംപറഞ്ഞു. സജി ചെറിയാന് നാളെ വൈകിട്ട് നാലു മണിക്കാണ് മന്ത്രിയായി സത്യപ്രതിജ്ഞ ചെയ്യുക.
രാജ്ഭവനിലെ പ്രത്യേക ഓഡിറ്റോറിയത്തില് വെച്ചാകും ചടങ്ങ്. നേരത്തെ അദ്ദേഹത്തിന്റെ മന്ത്രിസഭ പുനഃപ്രവേശനത്തില് ഗവര്ണര് നിയമോപദേശം തേടിയിരുന്നു. ഇതിന് പിന്നാലെയാണ് ഗവര്ണറുടെ തീരുമാനം. സിപിഎം സംസ്ഥാന സെക്രട്ടറിയേറ്റാണ് സജി ചെറിയാനെ മന്ത്രിസ്ഥാനത്തേക്ക് തിരിച്ചെടുക്കാന് തീരുമാനിച്ചത്. സിപിഎം സംസ്ഥാന സെക്രട്ടറി എംവി ഗോവിന്ദന് തന്നെ ഇക്കാര്യം മാധ്യമങ്ങള്ക്ക് മുമ്പില് സ്ഥിരീകരിച്ചിരുന്നു. സജി ചെറിയാനെ മന്ത്രിസഭയില് ഉള്പ്പെടുത്തുന്നതിന് മറ്റ് നിയമ തടസങ്ങളില്ലെന്ന നിയമോപദേശത്തിന്റെ അടിസ്ഥാനത്തില് കൂടിയാണ് സിപിഎം സംസ്ഥാന സെക്രട്ടേറിയറ്റ് തീരുമാനം എടുത്തത്.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
