വയനാട്ടില്‍ 400 കിലോ ചന്ദനവുമായി മൂന്ന് പേര്‍ പിടിയില്‍

വയനാട് : ചുണ്ടേലില്‍ വന്‍ ചന്ദന വേട്ട. 400 കിലോയോളം ചന്ദനവുമായി മൂന്ന് പേര്‍ വനം വകുപ്പിന്റെ പിടിയില്‍. ഇവരുടെ കൂട്ടത്തിലുണ്ടായിരുന്ന ഒരാള്‍ ഓടി രക്ഷപ്പെട്ടിരുന്നു. പ്രതിക്കായി പോലീസ് അന്വേഷണം ആരംഭിച്ചു. വൈത്തിരി ഫോറസ്റ്റ് സ്‌റ്റേഷന്‍ പരിധിയിലെ ചുണ്ട പക്കാളി പള്ളം ആനക്കാട് ഭാഗത്ത് നിന്നാണ് പോലീസ് പ്രതികളെ പിടികൂടിയത്. കഴിഞ്ഞ ദിവസം രാത്രിയില്‍ പോലീസ് പട്രോളിങ്ങിനിടെയാണ് ഇവരെ ചന്ദനവുമായി പിടികൂടുന്നത്. ഇവര്‍ ചന്ദനം കടത്താന്‍ ഉപേയാഗിച്ച കാറും കസ്റ്റഡിയിലെടുത്തതായി പോലീസ് പറഞ്ഞു.