പാലക്കാട് : ആര്.എസ്.എസ് പ്രവര്ത്തകന് സഞ്ജിത്തിനെ കൊലപ്പെടുത്തിയ കേസില് ഒരാള്കൂടി പിടിയിലായി. അത്തിക്കോട് സ്വദേശിയും എസ്.ഡി.പി.ഐ പ്രവര്ത്തകനുമായ പ്രതിയാണ് അറസ്റ്റിലായത്. ഇതോടെ കൊലപാതകത്തില് നേരിട്ട് പങ്കെടുത്തെന്ന് കരുതുന്ന അഞ്ചു പേര് പിടിയിലായി. കേസില് ഫെബ്രുവരി 10നകം അന്തിമ റിപ്പോര്ട്ട് സമര്പ്പിക്കുമെന്ന് സര്ക്കാര് ഹൈകോടതിയില് അറിയിച്ചിരുന്നു. നവംബര് 15നാണ് പലക്കാട് മമ്പുറത്തെ ആര്.എസ്.എസ്. പ്രവര്ത്തകനായ എ.സഞ്ജിത്ത് കൊല്ലപ്പെട്ടത്. ഭാര്യയുമൊത്ത് ബൈക്കില് പോകുമ്പോള് ഒരു സംഘം സഞ്ജിത്തിനെ ആക്രമിച്ച് കൊലപ്പെടുത്തുകയായിരുന്നു. കേസ് സി.ബി.ഐ അന്വേഷിക്കണമെന്നാവശ്യപ്പെട്ട് ഭാര്യ നല്കിയ ഹരജി ഹൈകോടതി ഇന്ന് പരിഗണിക്കും. കോടതി നിര്ദേശിച്ചാല് അന്വേഷണം ഏറ്റെടുക്കാമെന്ന് സി.ബി.ഐ അറിയിച്ചിട്ടുണ്ട്.
